sinpin pi moli loje

A modest adaptation of Edgar Allen Poe's The Masque of Red Death into Toki Pona.

tenpo suli la, moli loje li lon ma ni, li weka e jan mute.

tenpo pini ale la moli pi wawa ni pi jaki ni li lon ala.

sina ken sona e jaki ni tan loje ona.

sina kama jaki ni la, ijo tu wan li kama lon sina.

nanpa wan la, sijelo sina li pilin ike lon ale sama kipisi.

nanpa tu la, sina ken ala tawa pona, li ken ala sewi e lawa sina.

nanpa tu wan la, telo loje sina li weka tan insa sina, li kama lon ale pi selo sina. mute nanpa wan la, telo li kama tan sinpin sina.

sijelo sina li kama loje ni la, jan ale li pilin monsuta, li wile ala lon poka sina, li wile ala pona e sina, li weka.

sina kama jaki ni la, sina moli lon insa pi tenpo ilo wan.

jan li pana e nimi tawa jaki ni: sinpin pi moli loje.

taso, jan ale ala li anpa tan jaki ni.

jan Manijo li lawa pi ma ni. ona li pilin ike ala. ona li pilin monsuta ala.

ona li sona e wawa jaki, e ni kin: jan mute pi ma ona li moli tan ni.

taso, ona li pali ala.

tenpo mun luka wan li weka. ma pi jan lawa Manijo la, jan mute li kama moli. sinpin pi moli loje li tu e ma ona.

ni li monsuta ala e jan lawa Manijo. ona li kama toki e ni tawa jan mute pi mani mute:

"o kama! o kama lon tomo mi! mi mute ale li ken awen pona lon tomo mi, li ken weka tan moli loje."

jan mute pi mani mute li tawa tomo wawa pi jan Manijo.

tomo ona li suli wawa li mani mute. ona li nasa mute kin, tan wile nasa pi jan lawa Manijo.

sinpin tomo li suli mute la jan li ken ala tawa sewi ona.

nasin tomo li kiwen wawa la, jan li ken ala pakala e ona.

insa tomo la, jan pali li kepeken ilo ona, li pini e nasin kiwen. nasin tomo li ken ala open sin tan ni. jan li ken ala kama, li ken ala weka.

insa tomo la, jan li ken weka tan jaki. moku mute li lon tomo. telo mute li lon tomo. tomo li ken awen e jan mute lon tenpo suli.

musi mute kin li lon tomo. jan pi tawa musi li lon. jan pi kalama musi li lon. lipu musi li lon. telo suwi musi li lon. jan ale tomo li pona tawa lukin.

insa tomo la, jan li ken awen. musi li lon. weka tomo la, moli loje li lon.

sin la tenpo mun luka wan li weka. jaki loje li awen moli e jan mute lon ma pi jan lawa Manijo.

jan lawa Manijo li awen lon tomo wawa ona, li musi e pilin pi jan mute ale ona.

ona li kama e tenpo musi suli lon tomo ona. jan ale li len e lukin pi sinpin ona, li tawa musi sike.

jan pi weka tomo li ken lukin e ni la, ona li pilin e ni: "aaa... ni li wawa mute."

[describing each fuckin room of the place]

[describing the clock and peoples' reaction to it]

lon la, ilo tenpo li nasa, li nasa e pilin pi jan tomo.

taso, ale ante la, jan ale li musi wawa. wile pi jan lawa Manijo li nasa mute, taso ona li sona wawa e nasin kule e nasin pi telo nasa e nasin ni: seme la ijo li pona tawa lukin?

jan lawa Manijo li wile ala sama jan ante lon ni. ona li wile sona e insa nasin, li wile pali tan pilin insa ona. ken suli la, jan pi tomo ala li pilin e ni: jan lawa Manijo li nasa ike lon nasin ona! taso, jan tomo li sona e wawa ona.

[describing his taste for the apartments and the clock again]

[the masque arrives]

jan lawa Manijo li kama lukin e jan loje la ona li mu wawa e ni:

"sina seme?"

"sina seme li wile anpa e pilin ike pi mi ale?"

"jan o weka e len sinpin ona! o weka e len! ni la mi ken sona e ni: mi moli e jan seme lon open suno, li pana e sijelo seme tawa sewi pi sinpin tomo."

"sina ale li awen anu seme? o pini e ona, o weka len ona, o weka e loje tan ona!"

jan ale li ken kute e jan lawa Manijo tan tomo ale. jan lawa Manijo li wawa mute lon kalama, li sona pana wawa e wile ona.

ona li toki wawa la kalama musi en tawa musi li pini.

jan lawa Manijo li lon tomo laso lon tenpo ni. jan musi mute li lon poka ona, taso ona ale li tawa ala, li lukin taso e jan loje.

ona ale li pilin nasa wawa tan jan sin. jan pi mute lili li tawa lili, taso ona ale li wile ala luka e jan sin.

ni la, jan loje li kama lon poka pi jan lawa Manijo. jan musi ale li weka tan ona, li pini ala e tawa ona.

jan loje li tawa tomo laso, li kama lon tomo pimeja, li kama lon tomo kasi, lon tomo loje, lon tomo walo.

taso, jan loje li kama sin lon tomo laso la jan lawa Manijo li pilin wawa e wile utala. ona li pilin anpa, kin, tan ni: ona li pali ala lon tenpo pini.

jan lawa Manijo li alasa e jan loje, li tawa tomo pimeja, li tawa tomo kasi, li tawa tomo loje, li tawa tomo walo, li kama sin lon tomo laso.

jan loje li tawa sike, li lukin e jan lawa Manijo, li luka e ilo kipisi tan len ona, li pana wawa e ni tawa sijelo pi jan lawa Manijo.

jan lawa Manijo li mu pi pilin ike, tawa anpa, li moli.

ilo kipisi kin li tawa anpa, li kalama kiwen lon supa.

jan tomo ale li awen, li lukin e ni, li pilin monsuta wawa lon alasa lon utala lon awen. taso, jan lawa Manijo li moli la, ona ale li kama pilin wawa, li kulupu, li alasa e jan loje, li kama jo e ona.

jan tomo li kama jo e jan loje la, ona li kama jo e len taso, li weka e ni tan sijelo ala. jan li lon ala len. taso la, moli loje li lon.

ni la, jan tomo ale li sona e ni: moli loje li kama. ona li kama lon tenpo lili, li pali wile lon tomo ona ala, li weka lon tenpo lili.

jan wan li kama loje lon sinpin ona. ona li mu wawa e ike pi pilin sijelo, li mu wawa e ni: "o pona e mi! o awen e mi!" taso, jan ante li tawa ala poka ona. tenpo la, ona li tawa anpa, li moli.

jan ante li kama loje lon sinpin, li kama esun ala e kon, li tawa anpa.

sama ni la, jan musi ale li kama moli loje. tomo pi jan lawa Manijo la supa li kama loje tan telo insa pi jan musi ale.

jan ale li moli la jan li sin ala e ilo tenpo pimeja. ilo tenpo li mu pini, sama pini pi jan musi. jan ale li moli la, jan li sin ala e seli pi ilo suno. suno ale li weka tan tomo.

pimeja, en jaki, en moli loje li lawa e ale.