meli en akesi

lon la mi pana e lipu tu kepeken nasin tu.

meli li open e tomo la, akesi li tawa insa tomo li lape lon len lape meli sama tenpo pimeja pini. ona li lape lon tenpo pimeja ale tawa kama suno. tenpo pimeja nanpa tu wan la akesi li kama li lape sama. taso, meli li weka tan lape lon tenpo suno kama la, ona li pilin wawa a tan ni: ona li lukin ala e akesi. ona li lukin e mije lawa wawa lon poka pi supa lape ona. mije ni li pona a tawa lukin! mije li lukin e ona kepeken lukin suwi. lukin ona li suwi nanpa wan tawa meli.

mije li toki a e ni: ona li kama akesi jan tan lili pi wawa nasa. jan lili li pilin ike a tawa mije. ni la ona o awen akesi lon tenpo suli. ona li ken kama jan tan ni taso: meli lawa li kama jo e ona tan telo la akesi o ken moku e moku ona, o ken lape lon supa lape ona lon tenpo pimeja tu wan. mije lawa li toki a e ni: "sina pini e wawa nasa pi jan lili. ni la mi kama wile e ni taso: sina kama lon poka mi tawa ma pi mama mi. sina kama la mi tu li wan lon olin. mi awen olin e sina lon tenpo ale sina."

meli lawa li open e tomo ona la, akes li kama lon tomo ona li kama lape lon len lape ona! ona li lape sama tenpo pini li awen lape tawa ni: suno li kama. akesi li lape sama lon tenpo pimeja nanpa tu wan. taso, meli li kama tan lape lon open pi tenpo suno kama la, ona li kama lukin e ni: mije lawa li kama lon tomo ona, lon poka pi supa lape ona! lukin ona li suwi sewi tawa meli.

mije lawa li toki e ni: "jan nasa li akesi e mi. ona li ni la mi o awen tawa tenpo ni: meli lawa li kama jo e mi tan telo tawa, li pana e moku tawa mi tan moku ona, li ken e ni: mi lape lon supa lape ona lon tenpo pimeja tu wan." "sina weka e nasa ona. sin la mi jan. ni la mi wile e ni taso: sina kama lon poka mi tawa ma pi mama mi. sina ni la, mi en sina li ken wan lon olin. sina ni la, mi olin e sina lon tenpo ale sina."