pakala pi ike wawa

jan [jo: nasa] [sama. wan:] li awen. ilo suno li pini li open sin lon sewi tomo.

monsuta li lon tomo. jan [jo: nasa] li lukin ala e monsuta, taso ona li pilin e kama monsuta lon tenpo suli.

ona li toki e kama monsuta tawa jan lawa [kon. seli. n] lon tenpo mute, taso jan [kon. seli. n] li kute ala la tenpo pi ken pali li weka. n, tenpo ni la tenpo ken li weka.

jan [jo: nasa] li lon kulupu utala lon ma mun lon tenpo sike luka luka tu tu. ona li lili la, ona li lukin e ilo pi tawa mun li toki e ni tawa mama ona: "mi wile lon ilo, mama o!"

mama ona li toki e ni: "ala! monsuta li moli e sina!"

tenpo pini la jan [jo: nasa] li pilin sama mama ona. ona li kama suli la pilin ni li weka. taso, tenpo ni la jan [jo: nasa] li sona e ni: monsuta li kama lon tomo.

jan [jo: nasa] li kute e ilo toki.

"ni li jan [kon. seli. n]! sina o utala e monsuta!"

ni la jan [jo: nasa] li kama jo e ilo utala pi wawa suno li pakala wawa e sinpin.

monsuta mute li lukin e ona li toki e ni: "ona li kama moli e mi ale!"

monsuta sewi pi wawa ilo li toki e ni: "mi utala pana e ona."

ni la monsuta li pana utala e ilo pakala wawa. jan [jo: nasa] li wawa suno e monsuta li alasa moli e ona. taso, sewi tomo li kama anpa la ona tu li kama ken ala moli e ona ante.

jan [jo: nasa] li toki wawa e ni: "ala! mi o moli e monsuta!"

taso, toki ni li kama tan ilo toki: "ala a, jan [jo: nasa] o. sina monsuta."

ni la jan [jo: nasa] li kama monsuta.