pali la o weka tan kulupu

tenpo mute la sina wile pali.

ken la sina wile pali e lipu.

ken la sina wile pali e ilo.

ijo ante mute li ken.

taso, sina ken ala pali pona. sina ken ala lon e ijo. ni li tan seme?

tenpo mute la, ni li tan kulupu. tenpo mute la, ni li tan lipu. tenpo mute la, sina lukin e ijo pi pali ala.

sina alasa pali la sina kama lukin e kulupu e toki. sina wile toki lon kulupu. jan kulupu li wile toki tawa sina. jan kulupu li wile e sina lon kulupu. sina ken ala pali lon kulupu.

sina alasa pali la sina kama lukin e lipu. lipu li pilin utala e sina. lipu li pilin ike e sina. pilin utala en pilin ike li kama e sina tawa lipu ante. sina ken ala pali tan pilin ni.

sina ken ala pali pona tan kulupu. kulupu li weka e pilin pali e wile pali. ona li musi la sina wile lon, sina wile toki! pali la, o lon ala kulupu.

sina ken ala pali pona tan lipu. lipu li weka e lukin sina tan pali, li wile e ni: sina awen lukin e lipu mute. lipu mute li alasa ni. pali la, o lukin ala e lipu.

pali li suli tawa sina la o weka tan kulupu, o lukin e pali taso.

kulupu li musi li pona la sina wile lon ona, taso pali li suli la o weka tan kulupu.

pali li suli tawa sina la o weka tan lipu, o lukin e pali taso.

ona li kama e sina tan utala tan ike, taso pali li weka tan ni.

sina weka tan kulupu la sina ken lukin pona e pali sina.

sina weka tan lipu la sina ken lukin pona e pali sina.

taso, ken la sina sona ala e nasin pona tawa pali pona.

ken la, sina o kepeken ilo tawa pali.

ken la, ilo ni li lon poka kulupu, li lon kulupu.

ken la, ilo ni li lon poka lipu, li lon lipu.

ni ale la, sina kama lon kulupu tan pali, sina kama lukin e lipu tan pali.

taso, sina awen ken weka a tan kulupu tan lipu!

kulupu la, o pali e sijelo sin pi kulupu ala, o lon sijelo ni lon tenpo pali.

lipu la, ilo sina li ken weka e ni: sina ken tawa lipu.

nanpa wan la, o weka e ilo toki sina! ona li ken e tawa kulupu e tawa lipu li pakala e pali e lape e nasin mute.

ni li ale ala. ken la ijo sina li ante. ken la sina kama lukin e ijo ante.

sina wile pali pona. taso sina ken ala la o alasa e ijo pi pali ala, o weka e ona.

o wan e lukin lon pali.

ni la, sina pali pona.