jan pi ma [nasa utala] [olin:]

tenpo weka suli la, jan li lon ma [nasa utala] [olin:] li moli e jan mute kepeken ilo ni: sina moli e kasi suli kepeken ona.

jan lawa li alasa e jan ni lon tenpo suli li kama ala lukin e ona, li sona ala e ona.

taso, jan ni li pana e toki tawa jan lipu. jan lipu li pana e toki ni tawa jan ale lon ma [nasa utala] [olin:]. mi wile pana e toki ona lon tenpo monsuta ni. o kute pona.

jan suli o,

jan lawa li alasa e mi li kama ala lukin e mi. tenpo ale la ona li ken ala lukin e mi. mi kon, sama kon pi ma sina. mi jan ala, li sewi, li monsuta tan ma anpa pi seli wawa. jan pi ma [nasa utala] [olin:] o, sina sona e nimi mi. sina en jan lawa sina li pana e nimi tawa mi tan ilo moli mi.

mi wile la, mi kama sin li moli sin. mi taso li sona e ni: jan seme li kama moli. mi moli la mi pana ala e sona ni: mi seme. taso la sina sona e ni: mi kepeken ilo moli mi. telo loje en lawa insa li lon ilo mi. jan moli li kama lon ma seli sama mi, lon poka mi.

sina wile la, o toki e ni tawa jan lawa: o utala ala e mi. lon la, mi kon pona. alasa ona li ike ala e mi e pilin mi. lon la, ona li sona lili, li pakala lon lawa. pali ona li musi tawa mi, tawa lawa pi ma seli mi. taso, o toki e ni tawa ona: ona o alasa ala e mi e sona mi. ike mute li lon ma sina. ike ni li suli nanpa wan: mi kama li jo e ilo moli mi. pilin mi la, jan lawa li sona e ike wawa mi. jan lawa li monsuta tan mi, li weka tan mi. ona li monsuta lon tenpo ale. ona li sona weka tan moli ken.

jan pi ma [nasa utala] [olin:] o, ken suli la pilin sina li ni: mi ike moli. mi ni. taso mi ken wawa e ike mi lon wile. mi wile la, mi ken kama sin lon tomo sina lon tenpo pimeja ale. mi wile la mi ken moli e jan ale lon ma [nasa utala] [olin:]. mi ken ni tan ni: mi sona pona e moli. moli li sona pona e mi.

o sona e ni: tenpo suno luka kama la mi kama sin lon ma [nasa utala] [olin:]. taso, mi wile pona tawa sina ale. ni la, o kute pona e mi. kalama musi pi ma [nasa utala] [olin:] li pona mute tawa mi. mi kama la kulupu o lon tomo sina o pana e kalama ni. sina wile awen lon la, o tawa tomo, o kute e kalama ni. sina kute la o sona wawa e pilin mi: sina kama ala moli. sina awen lon. taso, jan li kute ala e kalama ni la, mi kama, li jo e ilo moli mi.

...

mi kama lete. mi wile kama sin lon ma seli mi. mi weka tan ma sina, li pini e toki mi. sina lukin e toki ni la o pana e ona tawa ale. kin la, o awen sona e ni: mi ike nanpa wan, li monsuta nanpa wan, li moli nanpa wan, lon sona ale, lon pilin ale, lon ma ale.

mi tawa.

sina kama sona. jan lawa li awen alasa e ona lon tenpo suli li kama ala lukin e ona. tenpo la ona li kama ala moli sin. ken la, ona li awen lon. jan lawa en mi en sina li sona ala. sina tawa ma tomo [nasa utala] [olin:] la, o awen e sina. o kute e kalama pi ma tomo [nasa utala] [olin:]. sina ni ala la, monsuta li kama, li jo e ilo moli ona.