tenpo mun tu pini la mi tawa tomo pi pona sijelo li tawa insa pi ilo lukin wawa.

sina lon kulupu lon tenpo ni la sina sona e ni!

sina sona e ni kin:

jan sona li toki e ni: tan pakala li lon seme? mi sona ala

taso mi awen pilin ike la mi o seme?

ken suli la mi moli.

ala a! mi ken moli ala.

mi esun e ilo lukin wawa!

mi kepeken ona la, palisa anpa pi lawa mi li ken lon pona li ken kama pona!

mi esun e ilo ni! o lukin e nasa ona!

sewi ona li suli nasa.

ona li jo e kiwen lukin tu!

lukin mi li pakala la ilo mi li jo e kiwen tu wan

kiwen lukin wan li pimeja.

ona lili li pona e lukin mi

ona poka li pana e ijo pi ilo mi!

mi wile pana e kiwen pi lukin pona tawa ona la...

mi o pali wawa.

mi o pana e palisa tu tu pi lili wawa.

o lukin e lili ona!

ilo ni li pona a!

ona li pana pona e sitelen la mi ken sona lukin e sitelen.

sitelen toki kin li pona tawa lukin!

mi tawa e lawa mi la ijo tu li ken:

sitelen li ken awen lon insa pi lukin mi.

sitelen li ken awen sama. ni la mi o tawa sin e lawa mi tawa sitelen.

ni tu li pona

taso mi awen e sitelen lon insa lukin tan ni:

mi ken tawa ale e lawa mi li awen ken lukin e sitelen.

mi lon tomo mi la mi pana e linja ilo tawa ilo suli mi.

ni li pana e sitelen ilo tawa lukin mi.

ni la mi ken lukin e ilo lon pali mi!

o sona: ni li sitelen mi ala li sama pali mi

lon la ilo ni li pona ale ala. ona li ken ike.

mi kepeken ona lon ilo toki mi la ilo toki li kama seli ike a!

mi kepeken ona lon tawa noka la mi ken ala lukin pona e sitelen.

suno sewi li wawa la ona li weka e suno ilo!

ni li sama ilo ni: ona li pana e suno ona tawa lipu walo.

ken la o kepeken ala ilo lon tawa noka.

pini la ilo ni li pona tawa mi, tawa lawa mi!

taso, tenpo ni la mani ona li suli ike.

sina ken la o esun lon tenpo kama ni:

mani ilo li kama lili